Bu  neneňsi...

Bu  neneňsi  geň  gylyk?

Nirden   gelip  ýolukdy?.

Ondan   gaçyp   nirede,

Nä  deşige  sümmeli?

Ine,   agşam   nätanyş

Meniň   gapymy   kakdy,

Göwnüme,   şoň   kisesi

Kesgir   mawy   gamaly.

Ýel   şuwlaýar   daşarda,

Gelip   urýar   penjirä,

Misli   kepen   gunduz  gar —

Ýerde  ýatar   niçezar.

Heý,  gün   bormy   mundanam,

Ýürek  düşüpdir   penjä,

Şol  gazaply   gara   penjeä

Ezýär   ony,   mynçgaýar.

Çyrany  söndürsem  birden

Goýy  tümüň  içinden

Gaplap   alýar   daşymy

Egri-bugry   geň  ýüzler,

Aýdyň   ahyr,   haçana   çen,

Haçana   çen,   haçana   çen,

Maňa   bakyp   iýjek   meni,

Görülmedik   wagşy   gözler?

Bu   nämäniň  alamaty

Ýadawlykmy   ýa   jezamy?

Ol   gözler   nä   gözleýär,

Näme   olan   maksady?

Çekip  çydar ýaly  däl,

Bu   düşnüksiz   yzany.

Halasgärim,   diregim,

Basymrak  daň   atsady.