Dostum,  atdaşym   Gurbannazar Nepesow   iş   üstünde    tragiki

ýagdaýda aradan çykdy.

.

Oýnadyp  ýeserje  gara  gözleriň

Oýnadyp  ýeserje  gara  gezleriň

Men ýanyma   geleniňde  her  gezek,

Ýazyp   oturanmy   görüp,  diýerde:

«Men   azar   bermäýin,   işlemek  gerek!'

Ol  gezegem  şeýdip, çykdiň-da  gitdiň,

Birküç  sany  wäşi  sözüňi  oklap.

Indem   uzaklarda   ümsüm   ýatyrsyň.

Bütindünýä   Ümsümligin   gujaklap.

Eýýäm   şu   gün   Ýitgelerňi   sanasaň,

Otuz ýaş  asyr deý uzak  görünýä.

Paýhaslanýas,   hyjuwlarmyz   köşeşýär,

Biz  ýitirip  düşünýäris  bu  dünýä.

Seniň baryp  ýeten  uzak ülkäňe

Otlular  gatnanok,  maşyn  baranok.

Bu  gün  sen  barada  goşgy  ýazýaryn,

Senem   gelip  maňa  azar  bereňok.

Bu  gün   aňryk  çöküp  dagyň  üstüne,

Gije  göge  seçeninde   pişmesin,

Sen-ä  gelip   maňa  azar  bersediň,

Menam şu goşgyny ýazman  geçsedim.