GÜLKI   ÝYGYP  ARMAÝYN

Gorkýan   elmydama   oturýanlardan!

Söýýän  Aşgabadyň ýyly  gyşlaryn,

Barýan

            ýeňil ädip

                            trotuarlardan,

Ýygyp

            adamlaryň  ýylgyryşlaryn.

Ine, beýik penjirede näzenin!

Ýylgyrşyna  maýyl  bolup  galýaryn.

Penjirän   perdesin  syraýsa  welin,

Gülküsin ýüzünden  ýygyp  alýaryn.

Gülýä  aşyklarmyz, gülýär gojalar,

Doganlar  gülýärler,  dogjaklar   güler,

Şeýdip,

Ýagty  ykballaryň  üstünden

Her säher  Gün  bilen dogar gülküler.

Maňa uzak ýolda  kyn  bolsa  bolsun,

Ýöne  gülki  bilen  dogsun  gün-aýym.

Goý,  ýüzlerden   gülki  yzy  ýitmesin!

Gülki   ýygmak   kesbim   bolsun   ylaýym.