AÝRALYK   PURSADY

Sen   gitdiň.

Şo   pursat  boşady   ruhum,

Hemme  zat  manysyn   ýitirdi   birden.

Şatlygym   galmady,   bagtym   galmady

Şo pursat bar zady uçurdy  serden.

Daglarym   peseldi   baglarym   bile,

Şemalam   sowulyp   duşumdan   ötdi.

Boşal   galdym   misli   gaşsyz   diwala,

Okan   kitaplarmyň   manysy   ýitdi.

Hatda öz ruhuňam aldyň-da gitdiň;

Göz, gaşyň, egniňi gözden salamok,

Ýene olaň baryn önki bolşy deý,

Seniň syratyňda jemläp bilemok.

Çasly  çeşmelerim   akýar  tersine,

Tersrine   ýaňlanýar   aýdymym-sazym.

Seniň   barlygyňdy — meniň   baýlygym,

Bir  pursatda   garyp   galdym,  ezizim.