Atlar ýataklarda   horguryp durlar

Atlar ýataklarda   horguryp durlar,

Olaryň  ykbaly— maňlaýy   akdyr.

Uzakda  çygynyp  kişňeýär  batly

Iki ýüz  at güýçli  işhon traktor.

Oratdy  goltuklap  ýarty   çöregin,

Obanyň  içinde  dawa   gözleýär.

Dutaryň   gulagna   meňzeş   gulagny

Towlanynda onuň hamrak ejesi,

Ýokarky  perdeden  bir   heň  çyrlaýar.

Tamdyrda  on   Günüň  nurly   howrundan

Galýar dik asmana  täsin bir sütün.

...Men  dogduk  mekana   salama   geldim,

Üstüm  tozan,  halys çykypdy  lütüm,

«Duzun  dadyp  geçiň!»

Uzaldy çörek,

Iki dewüm aldym, ony üfläpler.

Ýitewersin  açlyk,  hantamaçylyk,

Herne ýiatip gitmäwersin şu däpler.

Mazarystanlaryň,   ymaratlaryň,

Gök otlaň  içinde   inçejik  ýodaň,

Elmydama  oýandyrýar  ýüregme

Topragym,

Ykbalym,  bir oňat zada!

Kök  urupdyr  saňa juwan  ýüregim!

Sen-dostum,  söýgim   sen,   ilen-gatanym.

Seniň bilen men mukaddee nikaly,

Seniň   bilen,   meniň   agras   Watanym!

Müňläp  at güýjüni  özünde jemläp,

Güňläp,

Güwläp,   arman  günüň  gününde

Aýlanyp  ýör   aňymyzyň   hünäri,

Ak ekiniň,  ak Watanyň üstünde.