GAR EREÝÄR Gar ereýär, Buz ereýär, Geçenini buşlaP gyşyN. Adamlar ýeňil ýöreýär, Seniň welin, şol boluşyň: Howlular peselýär güller içinde, Adam indi ygtyýarnyň eýesi. Sykylyklap, Ýeňil ädim geçende, Görünýär adamlaň ýagty kellesi. Adamlaň depesin direýär asman, Ýöredýärler oňatlygyň dinini. Sen bolsa, pikiri doňduryp duran «Birýusa» ýa «Pamir» holodilnigi. Adamlar ýaşaýar erkin, gurply, Oňatlykda, haýyr işde hyýaly, Seniň agzyň mydam mäkäm gulply Millýonerleriň haznasy ýaly. Meniňki bitinden, Seňki ýarymdan, Men dür seçýän, Senem şerden seçýärsiň. Meniň aňsat böküp geçýäw ýabymdan Sen balagňy ele alyp geçýärsiň. Biz söýgi siňdirdik işdir poema, Söýgüden, şatlykdan ýok bize doýma, Sen söýüp gördüňmi, bilemok, Emma Seniň iniň ýetdi söýgiň boýuna. Ýöne men düşünýän başga bir zada, Ol maňa asman deý ýagty hem ýaman, Iňrik höküm ýöredende dünýäde, Sen öýüňde zaryn çekip aglaýaň. Düşünýän seňki kyn. Sen bagtsyz adam Saňa agyr , agza ýaşynyp ýaşamak, Biz ýaly dorumly, Biz ýaly sada Adamlaryň arasynda ýaşamak. Adamlaň depesi beýgelip barýar, Bu hakykat, bu ajaýyp bir haldyr. Biz saňa gynanýas. Haýpymyz gelýär. Gynanylýan adamhakyky däldir |