Ýene gaýdyp  geldim dogduk diýara.

Ýene gaýdyp  geldim dogduk diýara,

Ýyldyza   baý   asmanyma   gowuşdym.

Gussa   bilen  bakyp söwüt,  çynara,

Saýasynda   goşawuçlap  suw   içdim.

Çagalygymyň   gulpaklyja   gyzlary,

Höwürtgesin   taşlapdyrlar   bireýýäm.

Hany,  nirde  o  ýyllaryň  yzlary,

Şol   yzlary   yzlap   geldim,  eý, obam.

Bu ýerde  ahmyrym, ökünjimem  ýok,

Ýöne  nämüçindir   bilip   bilemok.

Çagalyk   yzlaryn,  tanyşlaryňy

Jepalar  çekseň-de,  undup  bolanok.

Unudyp   bolanok  ertekilerni,

Säherler  çyg düşen ýaşyl otlaryn.

Aýagyňa   batan  awy  tikenni,

Saňa  baş  bermedik tez-tez  atlaryn.

Sen  ýylda  gaýdýarsyn  dogduk daýara,

Onuň  sada   görmeginden  doýaňok.

Çagalygňa  duş  geläýmek hyýalyn,

Emma   ondan   daşlaşýanňy   duýaňok.

Sen  uly  şähere dolanýaň  ýene,

Bu  ýerde dostlaryň,  iş-aladan  kän.

Çykýarsyň   şowhunly   köçelerine,

Köçelek,   kiosk,   bildiriş,   dükan.

Onsoň ýene  gussa  bile ýatlaýaň,

Telwas  edýän  çygly  atyzdyr  pele.

...Şeýdip, her ýyl geçmişiňe gagnaýaň,

Sen şol geçmişiňden daşlaşmak bile.