BIR GÜN…

Bir gün bag deý ýanyp-köýseň

(Baky  gelen  barmy, eýsem?)

Abraýny   ataňa  goýsaň,

Ogluňa   atyňy   goýsaň.

Bugdaýa   meýdany   goýsaň,

Zemine  asmany goýsaň,

Gurmadygňy   goýsaň  eger,

Deňi-duşlaň dowam eder.

Sährany   şähere   goýsaň,

Tohumy  bahara  goýsaň.

Goýsaň,

Goýsaň,

Köp   zat  goýsaň,

Derdiňi   enä   goýmasaň.

Dert   alynmaz   ýöne ýere,

Kim  başyn  hesrete goşýar?

Ýöne   mydam   enelere

Üleşikde  şaý  paý  düşýär.