GÖRMEKSIZ GYZ Ine, barýan umydyna büdüräp, Egnin horlugyna utanyp çala. Uzakda orkestr joşup-titiräp, Tans edýär owadan gyzlary bile. Hor elleriňi çykaranok ýeňiňden, Olar birden ýere ýetäýjek ýaly. Geçip barýan ýigitleriň deňinden, Gulaga ýakymsy bir saz mysaly. Undup bilmän görmeksizj-e doglanyň, Ýüregiňde hoş arzuwlar besleýäň. Geçip barýan bir syratly oglanyň Mylakatly söz aýdaryn isleýäň. Emma ýigitleriň öz gaýgysý bar: Ýörite ýag bilen saçlaryn darap, Olar wagtdanam ozup barýarlar, Özlerniň owadan gyzlarna tarap. Ah, horja gyz, horlugyňdan horlanýaň. Saňa hoş söz diýjek ýigit nirede? Bu şäherde näçe diýseň ýigit bär, Seni öýe ugradanok biri-de. Gyzlaram ýanyňa delmuryp gelip, Owadan gülüşip ýüregňe düşýär. Olar görmegini artdyrjak bolup, Gezegine seniň bilen tirkeşýär. Öýe gelýäň. Gyýýar ýüregiň ünjiň, Hasratdan çekilýär iki owurdyň, Aglaýarsyň „Ah, eje jan, nämüçin Meni beýle betgelişik dogurdyn?» Emma goňşy gelin bir görmgeý dul Atasyz ogluna günäl bakýar. Hem senin tersiňe, Gussa-gam çekýär; «Owadan dogulma, Bagtly. dogul!» Aglama, gyz! Uýajygym, gam çekme, Bilil bolmaz ykbalyňy öňünden, Bu howlukmaç ýigitlere at dakma, Kim geçenak öz bagtynyň deňinden. Käte şeýle bolýar: görkdür-görmek Gidip otyr il içinde at alyp, Ýöne, nämüçindir, tylla ýüzük dek, Ýolda, Gum içinde galýar sadalyk. Tekepbir bol, çykyp bolmaz gaýa dek, Sada bol, aýlaryň doguşy ýaly. Şeýle ýigitler bar, (olar bar entek) Sen dek gaýalarda olaň hyýaly! |