SAZLAŞYK Goý, ýazsynlar gussa çekýäň kän diýip, Näme, ýürek kada garap durmaýar. Serediň, çalýmtyl, beýikden-beýik Asmany gulaçlan ötýär durnalar. Güýz ýene endikli elleri bilen Ýolupdyr şahadan ýapraklaň baryn, Tankyt ediljegimi bilsem-de, ýene Güýz bilen oguryp gussa çekýärin. Bu gussa durlaýar, saplaýar meni, Ähli geçenime nazar aýlaýar. Seredip otursam, şeýle gussada Geçen ýoluň görner eken has aýan. Ýüregime ýassyk edip gussany, Geçen hakda oňa sorag berýärin. Her halda ýaşlygym günläp geçipdir, Men muňa sähelçe ökünmeýärin. Günleriň şat gülküsini bölüşip, Aglana teselli berip ýetişdim. Aýly gije uly Aýyň gaşynda Aý jemally ýarym bilembilen öpüşdim. Gördüm menem ýigrim bäşiň içinde! Güýz gelýär ýapraklar, meýdanlar solýar, Ýöne yz beýik zat,adam duermuşyn, Kalbyny beýgeldýän eserlergalýar. Häzir bolsa, bu paýhasly güýz bile, Ýumşak gussa çekýäs, sözsüz sözleşip, Ýaşasyn adamyň hem tebigatyň Arasynda güňläp duran sazlaşyk! |