SÖWÜTLI

Söwütli,

Söwütli,

Eziz  diýarym,

Iň  oňat  zatlaryň  undulşy  ýaly,

Senden  aýra düşup on  bäş  ýyl  ýarym,

Ahyry üstüňden saldym  men ýoly.

Nirde  o  ýyllaryň  egrn  ýollary,

Jaýlar,  baglar  bary  sumat  bolupdyr,

Diňe  bir   gopbajyk  söwüt  baglary

Hem   mähriban   degirmeni   galypdyr.

Çagalaň unudan enesi ýaly,

Söwütliniň   söwütleri   giç-ertir:

«Haçan   geler,   gaýdyp   geler   balalam»

Diýip,  ýollaryna   seredip   otyr.

Bagyşla,  Söwütli!  Adyňa  gurban!

Eziz   maňa  söwütlerin ýapragy.

Ata-babalarmyň   namysyn   gorap,

Ata-babalarmyň   ýatan   topragy.

Ne kine  bar,  ne ahmyr  bar  göwnüňde,

Çäjiňi   harpykdan  saýlap  otyrsyň.

Ýalnyz   galan   garyp   ene   mysaly,

Köne degirmeniň  aýlap  otyrsyň.