UZAK  ÝAÝLADA  ENÄNIŇ   HÜWDÜSI

Eýýäm   güneş   batypdyr,

Aý-da   agyl   atypdyr.

Garagolja   Serdarym

Suýji   uka   batypdyr.

Günler   aýlara   bakar,

Aýlar   ýyllara   bakar.

On   sekizin   dolduryp,

Serdarym   ata   çykar.

Jahyllygyň   ýaşynda,

Yşk   gaýnar  döşünde,

Obamyzyň   gyzlary

Seni   görer   düýşünde.

Ýaryň  geler  ýanyňa,

Eneň   geler   zaryňa.

Sen   maňa   az   bakarsyň,

Köp   bakarsyň   ýaryňa.

Gyş  ýaza  sesin  goşar,

Bahar  kösük ýetişer,

Gelin-gaýnyň  käwagt ,

Arasyna  tow düşer.

Malyň   göwni   ýazlarda,

Lalyň  göwni   sözlerde.

Meniň göwnüm sendedir,

Seniň  göwnüň düzlerde.

Jorama  duşan  ýerim,

Balam,  seni  öwerin:

Gelniň ýuwar köýnegiňi,

Men   dolagňy   ýuwaryn.

Daş  oba  duşse ýoluň,

Gyş   bolsa   sagy-soluň,

Ilki  eneň  ýat  eder.

Onson  ýatlar   aýalyň.

Miwe   köp   bolsa  eger,

Bag başyn   aşak eger.

Saňa   zyňylan  daşlar

Eneň  pahyra  deger.

Epilýänçä  bil,  balam,

Bir   dilegim,  bil,   balam,

Maňa   köp   zat  gerek däl,

Köpüň  ogly   bol,   balam.

Kim   serer   kak-gurduny,

Kim   söýer  halk  merdini,

Derdiňi   men   göterýän,

Sen   göter   il  derdini.

Aýdan   akdyr   ýüzleri,

Şirin-şeker   sözleri.

Bu  ukusyz   gijäniň

Ýellenipdir   gözleri,

Bu   dünýe  ýogy-barym,

Bar   myradym,   mydarym,

Kötel  ýollaň   külpetin

Soň   bilersiň,   Serdarym.