Garagöz, bäriñe gara,

Diñe bir pursat! Bir pursat!

Duşmadym men sen dek ýara,

Sen diýip urýar bu gursak.

Datlydyr ýazyñ hezzeti,

Geçip gider, ýaz tutdurmaz.

Aýrydyr ýaşlyk lezzeti,

Ýaşlyk başymyzda durmaz.

Ýaz ýagşy köýnegñi ezdi,

Bedeniñ bolupdyr aýan.

Inçe biliñi görkezdi,

Sen dursuñ, men galdyraýan!

Bir pursat açyl bägül dek,

Ýapraklañda baş goýaýyn.

Uzyn boýly, eý, ak derek,

Men saña ýarym diýeýin!

Yşk pursaty meñzeş oda.

Az görmek, heý, ýagşy pälmi?

Eýsem, ýagty ýalançyda

Ömrümiz bir pursat dälmi?