AÝDYÑ MUNY OL ÝARA!

Ýadymda ýazda, güýzde,

Aýdyñ muny ol ýara!

Göwnüm galdy ol gyzda,

Aýdyñ muny ol ýara!

Oglan döwrüm ýatladym,

Ýatlap gözüm ýaşladym,

Bu durmuşdan ýadadym,

Aýdyñ muny ol ýara!

Ýyllañ kerweni geçdi,

Gara saça ak düşdi,

Şindem ýadymda keşbi,

Aýdyñ muny ol ýara!

Ömür diýmek ýol eken,

Suw üstünde sal eken,

Ygtybarly däl eken,

Aýdyñ muny ol ýara!

Bu bir agy-perýat däl,

Ýa ýönekeý bir zat däl,

Dünýäñ düýbi abat däl,

Aýdyñ muny ol ýara!

Göwnüm meñ şol ýardadyr,

Alkymy ak gardadyr.

Ol bu günler nirdedir?

Aýdyñ muny ol ýara!

Türkana göwün şadym,

Men aldanyp ýadadym.

Emma halal ýaşadym,

Aýdyñ muny ol ýara!

Soñky sözüm budur ýar,

Biz – peş, dünýe guty dar,

Pelek bolsa, bazygär,

Aýdyñ muny ol ýara!

Ýaşýança günüm-aýym,

Neneñ gaýtalamaýyn,

Şol gyz eken meñ taýym,