Diýen wagtynda ýaşlaryñ,

Ýaşlaryñdan aýlanaýyn!

Ýyldyz şöhlesi dişleriñ,

Dişleriñden aýlanaýyn!

Mylaýym güýzüñ günleri,

Ýakar gözleriñ ümleri,

Gudrat döşleriñ gümmezi,

Döşleriñden aýlanaýyn!

Jebir çekdim sen gözelden,

Inçe billi süýji dilden,

Gaşlaryñ gyýma ozaldan,

Gaşlaryñdan aýlanaýyn!

Ýüzleriñ asmanyñ aýy,

Görküñ şa gyzynyñ taýy,

Kimiñ ahy, kimiñ paýy,

Duşlaryñdan aýlanaýyn!

Gülden näzik gül bedeni,

Gizlese gülgün keteni,

Ýadyñdan çykarma bizni,

Huşlaryñdan aýlanaýyn!