ELWAN ÝAGLYK

Durmuş kül deý sepildi meñ ýarama!

Bejerdi yşk derdin aý-ýyla ownap.

Ýöne bir mahallar elwan ýaglygyñ

Meniñ gözlerimde ýanypdy lowlap.

Neneñsi teşnedik birek-birege!

Yşk derdi ir gelýär. Bize-de irdi...

Ýañy göze görnüp ugrapdy narlar,

Gawunlañ gylawy artyp barýardy!

Güýz geldi,

Gelin dek ýylgyrdy narlar,

Ýetmeli menzilde goýmady güman.

Emma söýgümiziñ gylawy ýatdy,

Owadan başyñdan syryldy duman.

Soñra aýra düşdük birek birekden,

Bir-biregi ýitirdik biz ömürlik.

Seniñ gözlegiñde özümi tapdym,

Saña welin, duşmadym soñ öwürlip.

Ýitdiñ,

Oýalykda bolanlygyñ gümanly.

Näzik duýgudyñ sen,

Örtäpler meni,

Ýol geçdiñ gussaly ýatlama çenli.

Indi gozgalaña salmaz barlygyñ,

Seni bagra basan gijelerim-de.

Başyñda şapak deý körän ýaglygyñ

Ýaşdy gitdi meniñ didelerimde!