ESKIZ

Men seni döredip bilmerin, serwim!

Bulaşdyryp bilmen öz ykbalymy.

Söýgümiñ öñünde üzerdim bergim,

Ýatlatsam-da öz-özüne zalymy.

Ýöne meniñ ätiýajym kiçi däl.

Çünki señki deýin görk dünýäde ýok.

Sen dünýäni dyza çökärsiñ ahmal?

Şonda meniñ kim boljagym belli däl!

Elbetde, señ adyñ ýürekde diri,

Kellämde suratyñ taýyn, dilberim.

Ýöne men döredip sen dek perini,

Öz erkimden jyda düşüp bilmerin!

Çünki sen döreseñ, gelersiñ hökman

Tylla zynjyr bilen golum dañmaga,

Ýa meniñ janymy almaga gersiñ,

Ýogsa-da, gelersiñ erkim almaga!

Şoñ üçinem seni döretmen, dilber,

Bolaryn sabyrly,

Bolaryn düşbi.

Hudaýy döreden adamlar soñra

Onuñ dergähinde nä güne düşdi?!