TÜRKMEN GÖRNÜŞI

Ýeke-ýeke öçdi agaçlañ başy,

Aý toýnuklap, ýapda akyp oýnady.

Raýyşda oturan uzyn ak derek

Suwa girip, mele ýaby boýlady.

Ýyldyz gondy ak öýleriñ üstüne,

Şuglasy tärimden içerik düşdi.

Ilki Garagumda, soñ Köpetdagda –

Bir agşamda iki gezek Gün ýaşdy.

Gökden suwa gaçan ýyldyzlar meñzeş

Akpamygyñ döwden alan közüne.

Ýyldyzlary dür dek ýuwdup balyklar,

Dañ atanda, çümüp gitdi yzyna.