GOÝMA NAMARDYÑ GEPINE!

Kim niçik bada noş eder,

Kim bakar kimiñ nepine?

Allahym, senden dilegim,

Goýma namardyñ gepine!

Bimarlyk ukusy tutan,

Göwni açyk, sada ilim.

Señ ykbalyñ görüp, Watan,

Boldy ýürek dilim-dilim.

Gark bolup gaflatda ýatmaz

Bu gün halal duzuñ iýen.

Dagamanka asly ýurduñ,

Oýan sen, türkmenim, oýan!

Ýüregi gyzgyn çägeden,

Ýurduñ bigadyr giñ däldir.

Lebap, Was, Mary, Şagadam,

Ortada gözel Ahaldyr.

Kim halkynyñ derdin çeker,

Kim sermestdir baýlyk, puldan.

Är ýigitden är aýdymy,

Gul aýdymy çykar guldan!

Kim niçik bada noş eder,

Kim bakar kimiñ nepine.

Allahym, senden dilegim,

Ili goýma il gepine!