GÜÝZ

Geçdi güýzden şagalañ,

Bagda baldak ýok terje.

Ýaprak tänýär şahadan,

Ylla atylan serçe.

Saýrak guşlar dymypdyr,

Gussa baglap mekany.

Gök ýüzüne çümüpdir

Durnalaryñ peýkamy.

Gün gökde – bölejik zer,

Belentde süýşýär ýaýal.

Agşam çalt sowaýar ýer,

Gündiz gyzýar ol haýal.

Çigrek şemal güýz güni

Gyz saçlarny çözläp ýör.

Ýaz üzdüren monjugny

Güýz gününden gözläp ýör.