Nämä gerek seni öwmek?

Sen muña düýpden mätäç däl.

Ýogsam, egniñde çit köýnek,

Başyñda tahýa. Tylla täç däl.

Iş edinmen işim taşlap,

Sen ne Gün, ne ýyldyz, ne Aý.

Ýönekeý adyñdan başlap,

Ah, ýöne durkuñ göwne jaý!

Gaşlañ ýatladanok ýaýy,

Egin-başyñ däl şaý-sepli.

Ýöne sen akylyñ öýi,

Ýöne sen diýseñ az gepli.

Adyn göterip belende,

Ýürekde yşk odun ýakan.

Gyz asylzada bolanda,

Görk-görmek hökman däl eken.