ŞEKEREK IGDE

Sen sygyr sagýarsyñ,

Özüñ süýt beden.

Işiñe ökde sen,

Ökde sen çenden.

Maña seni görmän,

Oñmak örän kyn.

Ýoluñda häzir men

Her gün ikindin.

Şekerek igdeden

Jübim doludyr.

Men bakgal, jübim hem

Dükan ýalydyr!

Seniñ deý görkana

Gyz ýokdur ilde.

Sagda dag garalar,

Gün ýaşar solda.

Çolaja köçede

Süýjüdir gürrüñ.

Sen bir dilewarsyñ,

Men bolsam, bir güñ!

Dähedem-dessemläp,

Ýörelýän çagda,

Ýolumyz uzaldar

Bir gysym igde.

Şekerek igdeden

Jübim doludyr.

Men bakgal, jübim hem

Dükan ýalydyr!