NÄTANYŞ OGLANJYK

(”Ejekejan” ertekisiniñ äheñinde)

Tomsuñ jokramasy ýetdi bir çene,

Ýaz akan bulakdan galypdyr sudur.

...Ýoluñ gyrasynda gömlüp kirşene,

Saçy togar-togar bir oglanjyk dur.

Bu gussaly görnüş göze ýakymly,

Elbet, sebäbine düşünmek kyn däl.

Geçmişiñ dumany görner hak indi,

Bu oglany tanamazlyk mümkin däl.

...Salam, gahrymany köne ertekiñ!

Salam, Ejekäniñ jigsi Baýmyrat!

Sen henizem gezip ýörmüñ ser-sepil?

Sen henizem gezip ýörmüñ gaýmalap?

Suwsap, öñki duzagyña düşjekmi?

Niräk barýañ? Barýañ nämäñ köýünde?

Ýa ýene-de keýik suwun içjekmi?

Köwşüñi goýduñmy çeşmäñ boýunda?

Içme, aglatma sen Ejekejany!

Gidiber, gowy suw çykar ýoluñdan.

Ýogsam, keýik borsuñ, örtärsiñ jany,

Aýrylarsyñ ýene şirin diliñden.

Belki, gamdyr-gussa durar bir çende,

Ýokdur ertekiniñ göwün ýykany.

Ýöne bilgin, jadyly suw içende,

Baýmyratjyk señ ýaşlañda ekeni...

Sen bagtly bol,

Hiç kes eştmesin ahyñ,

Görmesinler seniñ gözýaş dökeniñ.

Pozulmasyn seniñ tylla ahyryñ!

Üzülmesin seniñ kümüş kökeniñ!