Öz ilimi söýdüm. Gursagymda gam.

Gijelik. Aý orýar ýyldyz oragyn.

Arman, indi ýaşamaga höwes kem.

Alñasap uranok indi ýüregim.

Ýaşlyk geçdi. Näme galdy yzynda?

Bitmedik arzuwlañ çuñdur gussasy.

Ahmyr galar ilki söýen gyzyñda.

Ýatdan çykmaz dodaklarnyñ pissesi.

Il-güne sygynan men dälmi başda?

Bütin dünýä ýaýan oñ agyr derdin?

Eýsem, gödek silterlenmeden başga

Ýagşy netim üçin men näme gördüm?

Meni juda horladylar kapyrlar,

Emma musulmanlar horlady beter.

Ýalana ten berse selleli pirler,

Bu ilde pygamber ornun kim tutar?

Beýik ýörelgeler ýatdan çyksa kyn,

Gyltyma kowlaşsa tohum bedewler.

Nahak jebir çekip öz iliñ üçin,

Ony ne-hä söýüp, ne söýmän bolar.

Şol sebäpden gursagymda gaýgy-gam,

Egri Aý orýarka gijäñ oragyn.

Şol sebäpden ýaşaýyşa höwes kem.

Şoñ üçin biperwaý urýar ýüregim.