SAÇLARÑY ÝAÝYP BILERMIÑ?

Men saña ýarym diýeýin,

Sen maña diýip bilermiñ?

Ugruñda ýanyp-köýeýin,

Sen gözel köýüp bilermiñ?

Kirpikleriñ tygdyr-keman,

Çümer ýürege bigüman.

Ot içre galyp sen aman,

Gyzgynyn duýup bilermiñ?

Yşk derdi ot dälmi eýsem?

Ýanmaýan galarmyñ, heý, sen?

Men seni soltanym saýsam,

Sen meni saýyp bilermiñ?

Gözüñ ýaşly çümme gaýga,

Alaç tapyp bolmaz söýgä.

Men uýaýyn ýalñyz duýga,

Sen muña uýup bilermiñ?

Eger pida etsem jany,

Señ yşkyñdan gözläp many,

Gaýtalap ”Kulhyallany”

Saçlarñy ýaýyp bilermiñ?