SADAGASY GITDIGIM!

                        Ş-B-na

Bu nä beýle boldy, garaldy daşym,

Ýagtylmady, sadagasy gitdigim?

Kimler daş atmady dadansoñ aşym,

Al kylmady, sadagasy gitdigim?

Ne dürsdür, ne tersdir bu barýan ýolum,

Ne pesdir, ne beýik çilik ahwalym,

Talaña düşüpdir gazanan malym,

Satylmady, sadagasy gitdigim!

Namartlar il-ýurda boldy hojaýyn,

Gitdikçe kaşañdan gurdular öýün.

Birisi büdrese, onusy taýyn,

Gutarmady, sadagasy gitdigim!

Mertler ýurtdan çykdy dişläp hyrçyny,

Namartlar ýerine saldy hyltyny.

Il-bendäñ suw gözleý gurap gultumy,

Tapylmady, sadagasy gitdigim!

Türkmen haçan görer tagtda öz deñin?

Ol haçan öwrener bu işiñ çemin?

Ganymlar penjeläp gysanda demin,

Topulmady, sadagasy gitdigim!

Günbe-günden iliñ agraldy keşgi,

Beterinden beterine sataşdy.

Ganymlary öz içinden ýetişdi,

Gutulmady, sadagasy gitdigim!

Watan diýip, gaýgy-gama ulaşdym,

Ýelden-günden oñ halyny soraşdym,

Öz ilimde uly toýa garaşdym,

Tutulmady, sadagasy gitdigim!