Gaýradan akan aryk,

Diýme ”barýan men aryp”.

Äkit ýara salamym

Tolkunyñda göterip!

Geçip uzak ara sen,

Töweregñe garasañ,

Duşarsyñ kenaryña

Suwa gelen ýara sen.

Bilezigi kümüşdir,

Barmaklary gamyşdyr,

Ýüzün görseñ ol ýaryñ,

Ýüzi saña tanyşdyr.

Ak, sen, akarym basym,

Syryp obañ ýakasyn,

Kenaryñda gamyşlar

Şol gyzy gorkuzmasyn!

Raýyşyñdan ýörär ol,

Gyýa-gyýa garar ol,

Dury suwuña bakyp,

Gara saçyn darar ol.

Şemal senden ozmasyn,

Aýnañy ýel bozmasyn,

Ezme ýaryñ köýnegni,

Akdyrma sen küýzesin!

Uzak bolsa-da ara,

Tap muña özüñ çäre,

”Habarym ýok” diýmesin,

Gelsin belli karara.

Bolsañ-da niçik argyn,

Ondan habar getirgin.

Meñ söýgimi pyşyrdap,

Ýar gulagna ýetirgin!