TERKIWATAN

Terkiwatan añsat iş däl,

El üzdük dogduk Diýardan.

Watan diýmek gum ýa daş däl,

Aýryldyk biz dosty-ýardan.

Hak söze arka diredik,

Egmedik buýsançly başy.

Biz Watany mert goradyk,

Watan – merdiñ göwün hoşy!

Emma haýyr rowaç alman,

Berse-de namarda sarsgyn,

Azlykda göreşip, arman,

Goç ýigitler geldi asgyn.

Är başyna iş düşse kyn,

Dost-ýarlar ýöwsel bukdular.

Watana wepamyz üçin,

Ýat iller hossar çykdylar.

Günler dogar, aýlar ýörer,

Gökde ýyldyz ýanyp-öçüp;

Watan bizsiz günün görer,

Biziñ günmüz geçer niçik?..