ÝALŇYZLYK  DESSANY

Daglarda birje jeren

Ýekelikden aglaýar

Ýalňyz men diýp özüni

Goşgy bilen çaglaýar.

Gaýgyň uzak ýoluny

Owaz bilen baglaýar

Aýralyk gussasyny

Tagma-tagma baglaýar

Şonça yollar tapsa-da – gam ýanyndan gitmedi

Ondan soň pikre batyp

 Ýol ýöräp gitsem diýdi

Hoş günlere duş bolup

Messana gezsem diýdi

Her ne görsem ýa gursam

Dessana düzsem diýdi

Ýolum bogup düwün düşse

Durmany çözsem diýdi

Şonça göwün hoşlasa

Dam ýanyndan gitmedi.

Bir gün jeren ýanyna

Bir dost gelip ýetişdi

Gamgyn ýüzüni görüp

Ýardam bolup sataşdy

Gam ýüküni ýazdyr diýip

Goşgusyna gatyşdy

Görüp diýdi gam-duman

Nähili başyňa düşdi

Şonça ol sorasa-da

Dem ýanyndan gitmedi

Diýdi jeren dostuna

Aşykdym men çyn bile

Ýar ýoluna garaşyp

Ertir säher gün bile

Bag içinde Tahyr dek

Bazy gurdum oň bile

Mejnun kibi çöllerde

Aglap galdym gum bile

Şonça söýüp gezsemde

Jem ýanymdan gitmedi

Duşman ýüzi garadyr

Üýşdiler dola- dola

Güripmiş men bilmedim

Ýüzüme güle-güle

Aýyrdylar ýarymdan

Gözýaşym syla-syla

Olar maňa hyşdandy

Kalbynda ýüz müň hile

Şonça ýanyp köýsemde

Şum ýanymdan gitmedi

Humaý diýr ýalňyz jeren

Aglady ýar zulmundan

Jebri-jepada galyp

Şikat etdi jürmündan

Görsem görmesem diýip

Sözledi öz ölmünden

Dosty eşidip bu hala

Haýran galdy görmünden

Şonça solup galsa-da

güm ýanyndan gitmedi.

                                 HUMAÝ