Goşgy: Reşid Ahengeri-den

Soran  sen

Agyr günde ýatyrsyň, bir damja ýaş gözüňde,

Horluk çekip otyrsyň, ýüz monjuk bar eliňde,

ýanyp, ýanyp gidersiň, müň dert otyr diliňde,

Janlar guşan ýigitler, nirde diýip otyrsyň.


Dil galamdan dert ýagar, jefa çeken iliňde,

Mertlik gözi gan aglar, dert otursa biliňde.

Ses sazyňda bogular, perde ýetse sözüňde,

Ol mertleriň sazlary, nirde diýip soran sen.


Sazym çalar ilimden, ol ýeke täk gözüňden,

Tarym bolsa syr alar, gan ýürekli sözüňden.

Omid ýitse sähraňda, hiç iş gelmez eliňden,

Arslan ýaly ýürekler, nirde diýip soran sen.


Taryh döräp iliň bar, nur seçipdiň iliňe,

Her tarapyň läle gül, gül seçipdiň iliňe.

Hak sözüni saz etediň, nagma düzdiň iliňe,

Sazym çalan dutarym, nirde diýip doran sen.


Gül sähramiň guşlary, nagma seçdi iliňe,

Ýaş ýigitler duşusyp, dag döretdi iliňe.

Ýa meňzän gyzlaryň, läle kakdy iliňe,

Ganat açan guşlaryň, nirde diýip soran sen.

      

غوُشغي: رشيد آهنگِري دِن

    سوُران سِن


آغئرگؤنده ياتيرسينگ بيردامجاياش گؤزينگده

حوُُرلئق چِكيپ اوُتيرسينگ يؤزمونجيق بار اِلينگده

يانيپ يانيپ گيدِرسينگ مؤنگ دِرت اوتيرديلينگده

جانلار قوُشان ييگيت لِر نيرده دييپ سوُران سِن


ديل غالام دان دِرت ياغار جِفا چِكِن ايلينگده

مِرتليك گؤزي غان آغلار دِرت اوُتورسا بيلينگده

سِس سازينگدا بوُغولار پِرده ييتسه سؤزينگده

اوُل مِرتلِرينگ سازلاري نيرده دييپ سوُران سِن


سازيم چالار ايليمدِن اوُل يِكِه تأك گؤزينگدِن

تاريم بوُلسا سئرآلار غان يؤره كلي سؤزينگدِن

اميدييتسه صحرانگدا هيچ ايش گِلمِز الينگدِن

آرسلان يالي يؤره ك لِر نيرده دييپ سوُران سِن


تاريخ دؤرأپ ايلينگ بار، نور سِچيپ دينگ ايلينگه

هِر طاراپينگ لأله گؤل، گؤل سِچيپ دينگ ايلينگه

حاق سؤزيني ساز اِتدينگ ناغما دؤزدينگ ايلينگه

سازيم چالان دوتاريم نيرده دييپ سوُران سِن


گل صحرامينگ غوشلاري ناغما سِچدي ايلينگه

ياش ييگيت لِردوشيشيپ داغ دؤرتدي ايلينگه

آيا منگزأن قيزلارينگ لأله قاقدي ايلينگه

غانات آچان قوشلارينگ نيرده دييپ سوُران سِن