SONET Deňiz gözýaş dökýär. deňiz aglaýar, Üç gündür deňiziň hiç karary ýok. Deňiz aýralyga bagryn daglaýar, Ol Aý ýaryn bagra basyp bilenok. Üç gündür asmany çal bulut büräp, Deňziň bu halyna gülüp gözleýär. Üç gündür deňziň bagryn paralap, Onuň gözel AÝ ýaryny gizleýär. Deňiz-ds ah urup diýýär: «Eý, şemal, Şu çal buldy kow-da, rehim et jana!» Deňziň nalyşyn eşidip şo hal, Şemal çal buludy kowýar ummana. Gözel Aý asmandan deňize düşýär, Deňiz ýaryn bagra basyp, köşeşýär. |