JUL, 1. Atyň, tazynyň üstüne ýapylýan ýapynja, basyryk. Ol atyň juluny salyp, öňüne ot dökdi (B. Seýtäkow, Doganlar). Ýetip-ýetmän atdan düşüp, sypyrdyk biz jullaryny («Sowet edebiýaty» žurnaly).

Bedew — jul içinde, göwher — kül (nakyl).

2. göç. m. Egin-eşik, geýim. Meniň julumy ters salan sen dälmi? (B. Gulow, Hekaýalar) <>Juldan çykmak — lüt galmak, juda garyp düşmek.

Juldan çykýançaň gidişm e k — bir ýan ýüzli bolýançaň gidişmek. Molla Hoşly, seniň bilen tä juldan çykýançam gidşimäge men taýýar! (A. Gowşudow, Mähri—Wepa).

JULK, 1. Suwdan dolan, suwly. Bizi çaýdan julk edip gönenjekdi (N. Pomma, Egri eýikmez). 2. Zaýalanan, lak. Julk ýumurtga.