ALTYN AÇAR

Söýdüm baglañ boýnuna

Ýagşyñ hünji dakmasyn.

Güne ýakut öwüsýän

Düşdüşleriñ dokmasyn.

Garry mamañ sanajyn

Batly-batly kakmasyn.

Ak telpek kömelekleñ

Güberçekläp çykmasyn.

Söýdüm gije açylan

Gökde ýyldyz güllerin.

Ýerde howlukman geçen,

Çagalygyñ ýyllaryn.

Göze mährem düzleriñ

Ýylgyn, ýandak, gyzganyn.

Dabanymy çürşdüren

Takyr ýollañ gyzgynyn.

Bu söýginiñ gulpuny

Açyp bolmaz her günde.

Balyk ýuwtdy açaryn,

Olam derýañ düýbünde!