GARAGUM

Ata-baba topragym,

Hem ejirli, hem bagtly.

Kakyp söweş depregin,

Kändir depelän atly.

Toply hem tophanaly

Geçdiler o ýan, bu ýan:

Teýmirleñ, pars hanlary

Hem, elbetde, Çingiz han.

Güýjüñ mydam deñ gelýär,

Ne kän, ne-de azajyk.

Duşman ýa suwsuz ölýär,

Ýa-da çölde azaşyp.

Elbetde, özüñ bilýäñ,

Bu niçik ara-çäre.

Sen-ä ýokarda galýañ,

Ganymy gömýär çäge.

Geregi ýok ”dürtmegiñ”,

Düşünene çala üm.

Çüwse bagty türkmeniñ,

Müdümidir Garagum!