SÜÝRGÜNORTAN

Süýrgünortan! Niçik görnüş!

Jöwza ähli zatdan ökde.

Ýaşaýyş ýöne bir ”myş-myş”

Tomus bu ýowuz toprakda.

Bir düýe ýatyr bagyryp,

Jokrama yssa çydaman.

Çaga dek boýnuny burup,

Kimden dileýär ol aman?

Bilmek añsat göge bakyp,

Süýrgünortan gelse golaý.

Orta Azyýadan çykyp,

Afrika barýar tüweleý!

Sazakly tokaý ümsümlik,

Galmandyr dabarañ ýoky.

Şahada teni bir çümmük

Böküp ýör gara jok-joky.

Toprak ýaryk-ýaryk, diş-diş,

Eräp akýar çöl howasy.

Dutaryñ sesine meñzeş

Jokrama yssyñ owazy.

Bu dert berilmez her kime,

Başga söý bilen aram ýok.

Derman tapylmaz derdime,

Bu ili söýmeý çäräm ýok.