ONDA  ADAM  KIM  BOLAR?

Gaýgy etmek nämä gerek?

Iş bitirmez, etseñ müñ.

Bir käse suw, döwüm çörek,

Besdir, aýlansa günüñ.

Agşam arkaýyn ýatanyñ,

Azmy örseñ arkaýyn?

Dälmi saña öz Watanyñ,

Külbäñ töri – tagt aýyn?

Parhy ýok: jan etme, jan et,

Bu zatlaryñ bary hiç.

Onuñ üçin bolmaly zat

Bolar ne ir, ne-de giç.

Netijesi birdir, görse,

Ynsan muny giç biler.

Ol perwaýsyz gezip ýörse,

Ýöne adam kim bolar?