TOPRAGYM

Topragym, synmaz örküm!

Waspyñ ýürekde goýdum.

Seni enem dek gördüm.

Seni gelnim dek söýdüm.

Darkaş etmän belende,

Söýdüm seniñ bar paslyñ.

Çeträp ýazlar gelende,

Duýdum öz daýhan aslym.

Sag bol, köýdürmediñ sen,

Köräp duran şapagym!

Sag bol, iýdirmediñ sen,

Kesekiniñ şarpygyn.

Ýazyñ bilen ýaşadym,

Ýadyñ bilen ýaşadym,

Öz adymy unudyp,

Adyñ bilen ýaşadym!

Sag bol, ýadymda her gün,

Algym ýok, bergim kändir.

Ýaşan her günüm üçin

Başym saña gurbandyr!