DIÝARYÑ WASPY

Men Diýaryñ didaryndan doýmadym.

Her dem onuñ göwnün tapasym geldi.

Gije-gündiz oñ waspyny goýmadym,

Oña gymmat serpaý ýapasym geldi.

Çöllerni, daglarny bir deñ küýsedim,

Gezen ýerlerimi her dem küýsedim,

Aýdymlarny aýdyp gyryldy sesim,

At münüp, şol ýana depesim geldi.

Söýüp öz ilimiñ ýaman-ýagşysyn,

Saçlarma ak düşdi, mañlaýma gasyn,

Dyza galyp, diñläp ozan-bagşysyn,

Bile bir perdeden gopasym geldi.

Görkünden humarlap, başymy ýaýkap,

Topragnyñ ýüzünden taryhyn okap,

Her daban ýerine bagrymy oýkap,

Her daban ýerini öpesim geldi.