|
OSLAGSYZ, Oslaymadyk, garaşylmadyk ýerden, duýdansyz, birden. Gowaçanyň selçeňräk ýerleriniň düýbüni ýumşadyp ýören bir göwre oslagsyz ýerde onuň bilen boýdaş boldy (B. Kerbabaew, Aýsoltan). Oslagsyz takyrdy mes gatyrlary ürküzdi (B. Kerbabaew, Aýgytly ädim).
OSLAGSYZLYK, Garaşylmazdan peýda bolmaklyk, duýdansyzlyk.
OSLAMAK, Bir zady güman etmek, çak etmek, garaşmak. Duşmanlaryň düýbünden oslamaýan tarapyndan bir bölek goşuny çozduryp boljakdygyna komandiriň gözi ýetdi (A. Gowşudow, Mähri—Wepa). Gözi ýer görmeýän haramzadalardan her zat oslamak bolar (ak (B. Kerbabaew, Aýgytly ädim).
OSLANMAK, Güman edilmek, çak edilmek, garaşylmak. Aşyryň barara çemeli oslanýan ýerlerine Halnazar ikibir-üçbir atly gönderdi (B. Kerbabaew, Aýgygly ädim). |