AHYZAR [a:hyza:r], kön. s. Ahy-nala, dady-perýat, gaýgy-gam. Ahyzar eýleme geler Görogly («Görogly» eposy). AHY-NALA [a:hy-na:la], Dady-perýat, zeýrenç, gaýgy-gam. Ýaşadyp gowgaly ahy-nalada, Mekanmyz bolupdy hatap galada (N. Pomma, Saýlanan eserler). AHYR [a:hyr] I, 1. Tamam, yz, bir zadyň gutarýan ýeri, iň soňy. Käbir goşma atlaryň birinji sözüniň ahyry çekimli ses bilen gutarýar. 2. Kömekçi söz rolunda: Işiň ahyrynda sataşmagy wadalaşdyk. AHYR [a:hyr] II, Mallaryň öňüne ot, tirt we ş. m. dökmek üçin laýdan edilen kiçijik aýmança. AHYRET [a:hyret], dini. Kyýamat, ol dünýä. Ahyretde hemra bolsun imaniň, Jan jesetden jyda düşen günlerim («Görogly» eposy). AHYRZAMAN [a:hyrzama:n], Köne düşünjä görä: dünýäniň soňy, ahyry. Gitler üçin geldi çyn ahyrzaman, It ýatagna dönüp barmaz sag-aman (Nury Annagylyç, Saýlanan eserler). Tä kyýamat ahyrzaman bolýança adyň ýitmesin («Görogly» eposy). AHYRKY [a:hyrky], Soňky, yzky, iň soňky. Ahyrky sapagymyz sagat üçüň ýarynda gutarýar. AHYRSOŇY [a:hyrsoňy], Iň soňy, iň ahyry. Ahyrsoňy dawa hemişeki bolşy ýaly gutardy (M. Gorьkiý, Eserler). AHYRYN [a:hyry:n], Täsirliligi güýçlendirmek üçin ulanylýan ownuk söz. Men jedelleşmedim ahyryn. Dogry ahyryn. |