LÄB

LÄL

LÄŞ

LÄLE ,Gyzlaryň üýşüp ýa-da ýekelikde aýdýan aýdamy. Golaýrak baramda eşitdim birden, Läle kakýan gyzlaň şadyýan sesin (Ş. Borjakow, Kaspi kenaryna). Doganlarmyz tiz geler, Joşup läle kak, jora (Nury Annagylyç, Saýlanan eserler).

LÄLE II, Gyzyl reňk gül. Bilmedim men haýsy bagyň, Haýsy bakjaň lälesi sen (G. Muhtarow, G. Seýitnew, Bagbanyň gyzy).

LÄLEZAR [läleza:r], Otluk we gülzarlyk ýer. Indi görseň göz ýetmeýän lälezar, Wasp etmesem wyždan gulagym gazap. ( N. Pomma , Saýlanan eserler). Bahar geldi, bagda güller açyldy, Meýdan, dere lälezardyr, gözlim.Sen lälezar etdiň mele topragy («Sowet edebiýaty» žurnaly).

LÄLEZARLYK [läleza:rlyk], Ot, gül gögerip oturan giden gök meýdan, gülzarlyk. Könelşen gözlerniň garasyn , agyn, Gezdirýär ol lälezarlyk meýdana ( N. Pomma , Saýlanan eserler). Periler bag-bakja ekip, lälezarlykda ýaşaýan ekenler ( N. Pomma , Sebäbini soň bildim). Lälezarlyk meýdanda işleşip ýören gahryman  kolhozçylary görmän galardym (N. Pomma, Taýlak

LÄLIK, Eziz görlüp aýnadylan, ynjyk terbiýelenen, ynjyk. Mamagül bir baýyň lälik gyzymyş diýýärler (P. Alyew, Sülgüniň hatlary). Lälik saklanypdyr, ýok okan ýeri, Bilini agyrdyp dökmändir deri (A. Kekilow, Söýgi). Nartäç ejesi-kakasy tarapyndan lälik saklanan gyzdy (A. Gowşudow, Köpetdagyň eteginde).

LÄLIKLIK, Lälik boluş, läligiň gylyk-häsiýeti, ynjyklyk. Onda läliklik, göwni bitinlik duýulýardy (B. Pürliew, Ilkinji gün).

LÄLIKSIREMEK, Lälik bolan bolmak, aýnan bolmak, ynjyksyramak. Läliksiremäge wagt bolmany üçin, Artyk onuň üzeňňisine basdy (B. Kerbabaew, Aýgytly ädim).

LÄLIKSIRETMEK, Lälik etmek, lälik terbiýeletmek, aýnatmak. Ýeke ogul bolany üçin läliksiredipsiňiz. Ejeň ony läliksiredip ösdürdi («Sowet edebiýaty» žurnaly).

LÄLIRGEMEK, ser. Läliksiremek.