SÖZLÜG ,,, N-HARPY;

NYG

NYZ

NYK

NYŞ

NYÝ

NYZAM,[nyza.m], 1. Tertip, düzgün. Nyzam bilen ekilen tertipli bagyň içindäki köçeleriň aňyrsy görünmeýär (B. Kerbabaew, Aýsoltan).

2. Harby maşk, hatar. Bular baran batlaryna täze bölümi kabul edip aldylar we nyzamda duran ýigitleri gözden geçirdiler (A. Gowşudow, Mährn—Wepa).

<> Nyzam etmek—nyzam bilen ýöremek, harbylarça ýöremek. Anha, kaka, biziň nyzam edýän ýerimiz (A. Durdyew, Saýlanan eserler).

NYZAMLY, [nyza:mly], 1. Tertip bilen, düzgünli, kadaly. Nebitdagda apy-tupan turmagyna garaman, iş, hereketi nyzamly gidýärdi (B. Kerbabaew, Nebitdag). Ýoksul ogly gorar iliniň daşyn, Tertipli, nyzamly Gyzyl Goşundyr (Mollamurt, Saýlanan eserler).

2. Nyzama duran, hatar-hatar, setir-setir. Pionerler nyzamly ugradylar (A. Durdyew, Saýlanan eserler).

NYZAMLYLYK, [nyza:mlylyk], Tertiplilik, düzgünlilik, kadalylyk.

NYZAMSYZ, [nyza:msyz], Tertip bilen däl, düzgünsiz, kadasyz. Artyk otuz-kyrk atly nyzamsyz nökeriň öňüni çekip, şähere bakan ýüzlendi. (B. Kerbabaew, Aýgytly ädim).