BAÝAK, Ol gün, arada, öň, öňräk.

Ýoly düşüp ol baýak, Agabaý öýme geldi (A. Kekilow, Saýlanan eserler). Baýak bir şagaly urup, beýnisini pytratdym (A. Gowşudow, Köpetdagyň eteginde).

Saýak ýörme, taýak bar, şindiden däl, baýak bar (nakyl).

BAÝAKY, Ol günki, araky, önräkki.

Artyk aga, ol baýaky tut nahallaryňyzy entek göçüreňzokmy? (B. Purliew, Ilkinži gün). Baýaky Röwşenmi sen? («Görogly» eposy).

BAÝAMAK [ba:ýamak) I, 1. Zatly we pully bolmak, baý bolmak, gurplanmak.

Hojaýyny il güýjünden baýady («Sowet edebiýaty» žurnaly). Onuň bütin ömri pul bilen we baýamak bilen geçdi (A. P. Çehow, Saýlanan eserler). 2. kön. s. Gyzy bolmak.

BAÝAMAK [ba:ýamak] II, Tukenmek, gutarmak. Ýaz çykyberende, biziň odunymyz baýady.

BAÝA'N, sazç. Iki tarapy klawiaturaly, epin-epin sanaçly, howa arkaly çalynýan saz guraly.

Ol baýany örän gowy çalýar. Magazinde dürli baýanlar satylýar.

BAÝANÇY, Baýan çalýan sazanda. Baýançy baýanyny çalmaga başlady.

BAÝAR, 1. Hökümdar, hojaýyn, ekspluatator, çinownik.

Gulmanyň dogan-garyndaşlary uly, köçä çykyp, gelejek baýaryň ötsünde garaşyp durdular (A. Gowşudow, Powestler we hekaýalar). Gözle, gör, bak: barmy baýarlar, hanlar? Ýoldaşlaryň gitdi, ýok bol, köne adat! (Mollamurt, Saýlanan eserler). Öz milletimizi ýayrgyna berip, iň soňunda-da baýardan alýan almytynyzyň «dotsuz ogludygyny» aňladym (B. Kgrbabaew, Aýgytly ädim).

2. göç. m. Gyňyr, býurokrat.

Şuňa meňzeş baýar adamy henize çenli gören däldiris («Tok-mak» žurnaly).

BAÝARLYK, 1. Hökümdarlyk, ekspluatatorlyk, çinowniklik.

Şahyr özüniň «Oba» diýen şygrynda «wagşy baýarlygy» saýgylaýar, krepostnoýlyk düzgünine garşy çykýar (A. S. Puşkin, Saýlanan eserler).

2. Gynyrlyk, býurokratlyk.

Tankyt baýarlygyň dilini kesdi (Mollamurt, Saýlanan eserler).

BAÝARÇYLYK, ser. B a ýa r l y k.

BAÝATMAK [ba:ýatmak] I, 1. Baý etmek, gurply etmek .

2. göç. m. Derejesini artdyrmak, üstüni ýetirmek, baýlaşdyrmak.

Özüniň eden işleri bilen şol tejribäni baýadan adamlardan biridi (M. Ibrahimow, Ol gün geler).

BAÝATMAK [ba:ýatmak] II, Iň soňuna çenli tüketdirmek, tamamlatmak, gutartmak.

Olar gyrkymy baýatdylar.