AMAL, Tär, çäre, ugur. <> Amal etmek — ser. Amala aşyrmak. Amala aşyrma k—iş ýüzüne geçirmek, ýerine ýetirmek, tamamlamak. Progressiw usullary amala aşyrmak gerek. AMAN [ama:n], Sag-salamat, sag-aman. Ganymy sypdyrman diri, Agalarym aman galdy (Nury Annagy-lyç, Saýlanan eserler). Aýda gelsin — aman gelsin (nakyl). AMANAT, Özüňki bolmadyk, başganyňky, kesekiniňki. Iň sadalaryň sadasy hem Wüşiniň donunyň amanatdygyny aňlajakdy (A. Gowşudow, Köpetdagyn. eteginde). Git-de, amanat ulaglary eýelerine tabşyr! (B. Kerbabaew, Aýgytly ädim). Bu sagat amanat. Amanada — ýamanat (nakyl). <> Amanadyny tabşyrmak—ölmek, aradan çykmak, wepat bolmak. Bu wagt hälki agyr ýaraly bolup gelen murtlak amanadyny tabşyrdy (B. Kerbabaew, Aýgytly ädim). AMANLYK [ama:nlyk], Saglyk, gurgunlyk, sag-salamatlyk, aman-esenlik. AMAN-ESEN [ama:n-esen], Sag-salamat, sag-gurgun.. sag-aman. AMAT [a:mat], Oňaý pursat, degerli wagt. <> Amatyny tapmak — çemesini tapmak, maýyny tapmak. AMATLY [a:matly], Oňaýly, derekli, peýdaly, bähbitli, haýyrly. Ol ýer seniň üçin örän amatly («Tokmak» žurnaly). Amatly wagty goldan bermegim mümkin! — diýip howatyr etdi (B. Kerbabaew, Aýgytly ädim). Heý, bir amatly tarapy tapylmazmy? (N. Sa-ryhanow, Saýlanan eserler). Amatly ýagdaýy elden bermezlik. AMATLYLYK [a:matlylyk], Amatly bolmaklyk, Oňaýlylyk, bähbitlilik. AMATSYZ [a:matsyz], Amatly däl, peýdasyz, haýyrsyz, bähbitsiz, oňaýsyz. Daşsyz ýerler hem tekiz däl we ýöremäge amatsyz («Sowet edebiýaty» žurnaly). Ykdysady taýdan amatsyz ýagdaýa duşmek. AMATSYZ LYK [a:matsyzlyk], Amatly dällik, peýdasyzlyk, haýyrsyzlyk, bähbitli bolmazlyk, oňaýsyzlyk. Howa ýagdaýynyň amatsyzlygyna garamazdan, kolhozçylar işiň depginini gowşatmaýarlar. |