|
LOW | ||
|
LOWLAMAK, 1. Ot alyp sesli ýanmak, tutaşyp ýalynly ýanmak, güýçli ýanmak. Lowlaýar kömür, Gyzarýar demir («Sowet edebiýaty» žurnaly). Ot lowlap ýanýar. 2. göç. m. Gaty gaharyň gelmek, janyň ýanyp gyzmak. Ütülmişiň ady ýadyma düşende, lowlap ýanyberýärin. Onuň derdinden ne ýaýnap bildim, ne-de oýnap (N. Pomma, Egri eýikmez). 3. göç. m. Endamyň gyzdyrmak, teniň gyzmak, gyzgynyň galmak. Onuň ýüzi lowlap, gözleri ýaldyrap gitdi (M. ÝU. Lermontow, Biziň zamanymyzyň gahrymany). LOWURDAWUK, Öwşün atýan, lowurdap duran, ýalpyldap duran, ýalpyldawuk. Ýalkymyn ýaýradyp daglara, düze, Öwşün atýar lowurdawuk göl bilen (N. Pomma, Saýlanan eserler). LOWURDAMAK, 1. Güýçli lowurdyly ýanmak, tutaşyp ýalynly ýanmak. Her gapyda ojaklarda ýakylýan otlar lowurdap, köne tamlaryň diwarlarynyň ýüzüne şöhle salýardy (A. Gowşudow, Köpetdagyň eteginde). 2. Öwşün atmak, şöhle bermek, ýalpyldamak, ýylpyldamak. Maňlaýy sakar al atyň endamy lowurdaýardy (B. Kerbabaew, Aýsoltan). Syrylan gylyçlar yaňy dogan Günüň şöhlesine lowurdady (B. Kerbabaew, Aýgytly ädim). LOWURDATMAK, 1. Lowurdyly ýakmak, güýçli ýakmak, lowladyp ýakmak. 2. Öwşün atdyrmak, ýylpyldatmak, şöhlelendirmek. Lowurdadyp göwher kimin çyrasyn, Birleşdirýär şäher, obaň arasyn, (N Pomma, Saýlanan eserler). Aýnanyň gyzyl çaýylan gupbasyny lowurdatdy, atyň eýeriniň gaşyndaky çüýleri ýylpyldatdy (B Kerbabaew, Aýgytly ädim). Ýuwaşja titredýär ýüpek köýnegin, Günem lowurdadýar gyljyn, peýnegin (N. Pomma, Saýlanan eserler). LOWURDAŞMAK, 1. Köp ýerde lowurdap ýanmak, lowlaşyp ýanmak. 2. Öwşün atyşyp durmak, ýalpyldaşmak, ýylpyldaşmak. Obamyzdaky Iliç çyralary edil ýyldyzlar ýaly lowurdaşdylar (N. Pomma, Taýlak hyzzyn). Döşünde Beýik Watançylyk urşunyň ordeni hem medallary lowurdaşýar (A. Gowşudow, Köpetdagyň eteginde). LOWURDY, 1. Lowurdap ýanýan ses. 2. Öwşün, ýalpyldy, ýylpyldy. Goý, «ak altynyň lowurdysy biziň toýumyza-da bezeg bersin! (B. Kerbabaew. Aýsoltan). Gymmat bahaly bu baýlygyň lowurdysy onuň gözlerini gamaşdyrdy («Sowet edebiýaty» žurnaly). |