IŇŇ
|
IŇŇEBAGJYK [iňňeba:gjyk], Geýimiň ýakasyna ýa-da başga ş. m. zada ildirilýän metal esbap, temençe. Kellesi kiçelip, iňňebagjygň tommuja ujy ýaly bolar («Sowet Türkmenistanynyň aýallary » žurnaly).
IŇŇELIK I, zool. ser. Teneçir I.
IŇŇELIK II, 1. ser. 1. I ň ň e b a g j y k. 2. iňňe dürtüp goýmak üçin ýörite ýassykjagaz.
IŇŇILDEMEK, ser. Iňlemek. Zalda zaryn heňi iňňildeýär. Ýatymdan biriniň uky arasynda samraýanlygy, içi-içine sygman hamsygyp aglaýanlygy, iňňildeýänligi eşidildi («Sowet edebiýaty» žurnaly).
IŇŇILDI, Kesel ýa-da agyry zerarly çala çykýan naýynjar ses. Ýaralananlaryň iňňildisi, adamlaryň gykylygy howada ýaňlanýardy («Sowet Türkmenistany» gazeti). Aradan az salym geçende, Myradyň ýuwaja iňňildisi eşidildi (B. Pürliew, Ilkinji gün). onýança-da öň ýanyndaky suw geçýän kiçijik ötukden iňildi sesi Merediň gulagyna geldi (A. Durdyew, saylanan eserler).
IŇŇÄ-IŇŇÄ, Ýaşajyk bäbek aglanda çykýan ses. Nurjahanyň öýünde iňňe-iňňe diýen ses çykaýardy. (B. Kerbabaew, Aýgytly ädim). Ikinji otagda Iňňä-iňňä diýýän bäbek sesi eşidildi («Sowet edebiýaty» žurnaly).
IŇŇÄN, Örän juda, beter, gaty, has, heýwere.Ýaňy -ýakynda kapitan Wepa Amanyň batareýasy nemets faşistleriniň iňňän berkiden berkitme galasyny ýumurmak işine gatnaşdy (A. Gowşudow, Saýlanan eserle). Önümçilikde işlemek iňňän gyzyklydy («Kolhoz günleri»). |