MUS | |||
MUSAÝYLAR, ser. Ýewreýler.
MUSALLAT, Başa düşen bela, bela-beter, dert, görgi, garamat. Sen-ä musallat ekeniň, dat Mamagülüň janyna! diýip, şerebeli sözler bilen gygyryp, jak-jaklap güldi (N. Pomma, Taýlak hyzzyn). Jemagatlar! Başymyzdan agyr musallat inipdir. Azana men özüm musallat bolaryn! (B. Kerbabaew, Aýgytly ädim).
MUSAPYR [musa:pyr], 1. Başga ýurtdan gelen, çet ýurtly, syýahatçy. Musapyr adam. 2. göç. m. Garyp, pukara, biçäre. Musapyr halda bolmak.
MUSAPYRLYK [musa:pyrlyk], 1. Musapyr ýagdaýda bolmaklyk, çet ýurtlulyk, gelmişeklik 2. göç. m. Garyplyk, pukaralyk, biçärelik.
MUSKAT, 1. Tropik Aziýada ösýän ysly miweli aýratyn agaç tohumy. Portugaliýalylar muskat hozy, mata getirmäge olary mejbur edipdirler («Orta asyrlar taryhy»). 2. Üzümiň bir sorty we şol üzümden edilen çakyr.
MUSKUL, Adamlaryň, haýwanlaryň bedenindäki Dokumalardan (etlerden) ybarat hereket organy, myştsa. Ýaşuly baldyrlary çykym-çykym bolup duran tüýlek aýaklaryny we muskullary digir-digir ýogyn gollaryny uzadyp, sekiniň üstünde ýüzin düşüp ýatdy.(N. Pomma, Taýlak hyzzyn).
MUSKULATURA, Muskullaryň utgaşyklygy, muskullaryň jemi.
MUSKULLY, Ösen muskulaturaly, güýçli muskuly bolan. Onuň üstünde oturan gujurly gyzyň muskully gollary maşynyň ruluny seresaplylyk hereket etdirýärdi (B. Gurbanow, Duşuşyk).
MUSKUS, ser. Müşk.
MUSLI'N, Ýukajyk ýeňil mata.
MUSULMAN [musulma: n], Yslam dininiň tarapdary, yslam dinine uýýan.
MUSULMANLYK [musulma:nlyk], Yslam dinini dowam etdirijilik, yslam dinine uýmaklyk. Şeýle musulmanlyk Eziz hanyň gop berýän musulmanlygy meniň kalbyma syganok (B. Kerbabaew, Aýgytly ädim).
MUSULMANÇYLYK [musulma:nçylyk], ser. Musulmanlyk. Musulmançylyk adaty içinde önüp-ösen garry kolhozçy spirtli içgini ömründe agzyna almandy (N. Saryhanow, Saýlanan eserler). 3. Zakawkazýä araplar bilen birlikde musulmançylyk aralaşmaga başlapdyr (SSSR taryhy). |