|
Bady-saba, salamymny,
Huýrlukga jana ýetir!
Meniň arzy-peýamymny,
Şol gözi mestana ýetir!
Gözel ýara bolsam nöker,
Azym eýlese, ganym deker,
Agzy-pisse, lebi — şeker,
Dişleri dürdänä ýetir!
Merdana tutgun özüňni,
Gam bilen saralt ýüzüňni,
Taňry üçin bu sözümni,
Ol gaşy kemana ýetir!
Ýar meni eýledi hasta,
Bilbilem, galdym kapasda.
Ýete bilmen söwer dosta,
Arzymy janana ýetir!
Meni ugratdy bu derde,
Bolaýyn oňa men bende,
Lebi şeker, agzy ganda,
Gunçaly handana ýetir!
Hemra diýerler adyma,
Meniň bu arzy-dadymy,
Şamu-säher perýadymy,
Huýrlukga jana ýetir!
|
|
|