SÖZLÜG ,,, A-HARPY;

APPARAT, 1. Abzal, gural, mehaniki gurluş.

Telefon trubkasyny gulagyma tutup, apparatň çarhyny dört gezek aýladym («Tokmak» žurnaly).

2. anat. Organizmiň aýratyn funktsiýalaryny ýerine ýetirýän organlary.

3. Edaralaryň jemi, şonuň ýaly-da edaralaryň, guramalaryň işgärleriniň jemi.

Döwlet apparaty. Sud apparaty. Magaryf ministrliginiň apparatynda işlemek.

APPARATURA, teh. Apparatlaryň, abzallaryň, gurallaryň jemi. Apparaturany dogry ulanmak.

APPE'NDIKS, 1. anat. Kör içegäniň gurçuk şekilli ösüntgisi.

2. teh. Aerostatyň gaz alyp, gaz çykarýan şlangy.

APPENDITSIT, med. Kör içegäniň gurçuk şekilli ösüntgisiniň çişmegi.

APPRETURA, 1. Dere çalynýan lak, boýag.

2. Ýörite-suwuklyk arkaly matany petleme, derini eýleme.