ÖRI [ö:ri], Mal bakylýan otluk meýdan, ýer, otlag, ýaýla. Hemişe, heniz daň saz bermänkä öre çykmaga endik bolan süri eýýäm örüp tolkunyşmaga başlady (A. Gowşudow, Köpetdagyň eteginde). Iri mallar ýakyn örülerde bakylýar («Kolhoz günleri»). <> Örüsi giňemek dünýäsi giňemek, gatnaşyk edýän artmak, ýaýnamak. Mehinliniň örüsi giňemek bilen, onuň durmuşa bolan talaby-da artdy (B. Kerbabaew, Aýgytly ädim). Öri çekmek 1) çaganyň oýun bilen gyzyklanyp, özüniň azaryny ejesinden sowmagy; 2) ýaş owlak-guzularyň, köşekleriň otlamaga gitmegi.
|